ملک کوں بحراناں توں کڈھݨ تے ترکڑی دے پلڑے برابر کرݨ کیتے وکلا کوں اپݨا کردار ادا کرݨا ہوسی، وفاقی وزیر قانون و انصاف

اسلام آباد۔5اپریل(اے پی پی):وفاقی وزیر قانون و انصاف سینیٹراعظم نذیر تارڑ آکھیے ملک ھک بحرانی کیفیت توں گذردا پئے ، ملک کوں بحراناں توں کڈھݨا اے تے ترکڑی دے پلڑے برابر کرݨے ہن تاں ایں ضمن اچ وکلا کوں اپݨا کردار ادا کرݨا ہوسی ، وکلا دی طرفوں عدل دے ایواناں کوں پیغام ݙےݙتا ڳئے جو ترکڑی دے پلڑے برابر تولو۔ او جوڈیشل کمپلیکس اچ وکلا کنوونشن توں خطاب کریندے پئے ہن ۔ وفاقی وزیر داخلہ رانا ثنا اللہ خان ، وفاقی وزیر اطلاعات و نشریات مریم اورنگزیب ،وزیراعظم دے معاون خصوصی عطا تارڑ اتے ن لیگی قائدین موجود ہن ۔ وفاقی وزیر قانون و انصاف سینیٹر اعظم نذیر تارڑ آکھیے مریم نواز کوں وکلا دے درمیان خوش آمدید آکھداں ، اڄ وکلا جیں جذبے تے ولولے دے نال آپݨی قائد دا استقبال کیتے ، پاکستان بھر دے نڈر ،بے باک وکلا دی طرفوں عدل دے ایواناں کوں پیغام ݙے ݙتا ڳئے جو ترکڑی دے پلڑے برابر تولو ۔ انہاں آکھیے پارلیمنٹ دی طرفوں پاس کیتی ڳئی لائر ایکٹ ہووے یا وکلا دی فلاح و بہبود کیتے 50 کروڑ دا بجٹ ہووے ،ایندے وچ پاکستان مسلم لیگ ن دا کلیدی کردار رہیے ۔ انہاں آکھیے اڄ ملک ھک بحرانی کیفیت توں گزردا پئے ۔ ملک کوں بحراناں توں کڈھݨا اے۔

مضمون کا ماخذ : bolão lotomania

متعلقہ مضامین