اسلام آباد۔17فروری (اے پی پی) وفاقی وزیر برائے قانون تے انصاف سینیٹر اعظم نذیر تارڑ آکھیا جو پی ٹی آئی دی حکومت معیشت اچ بارودی سرنگاں وچھا تے ڳی، اساں آئی ایم ایف نال انہاں دے معاہدے کوں پورا کریندے پیوں۔ جیل بھرو تحریک دا نعرہ لاوݨ آلے عبوری ضمانت کیتے منتاں کریندے پن۔ غریباں دی زندگی اچ سوکھ کیتے سنجیدہ سیاست کرݨی چاہیدی اے۔ جمعے کوں سینیٹ اجلاس اچ مالیاتی (ترمیمی) بل 2023 تے ڳالھ کریندیں ہوئیں وزیر قانون تے انصاف سینیٹر اعظم نذیر تارڑ آکھیا جو قائد حزب اختلاف اپݨے دل دی بھڑاس کھݙی اے، آئین دی اپݨٰ روایات ہن، اساں ساریاں دی ڳالھ سݨدوں، مہانگ توں غریب بندے دی اوکھ ودھ ڳی اے۔ ایں تے کوئی خوش نی تھیندا۔ آئی ایم ایف نال پٹرول، بجلی دی نرخ، سٹیٹ بینک دے مارک اپ سودھے ٻے معاہدے کیں کیتے، اساں ایندے خلاف آواز چائی جو اینویں نہ کرو، معیشت اچ بارودی سرنگاں کیں وچھائی، ہݨ چار مہینے توں پٹی بدھ تے ٻہہ ڳن۔ جیل بھرو تحریک دا نعرہ لاوݨ آلے عبوری ضمانت کیتے منتاں کریندے پن۔اسلام آباد دی سیشن عدالت غبن دے مقدمے اچ مسلسل سݙیندی پی اے، اے مسلسل میڈیکل بھیجیندے پں، تماشہ اے ہے جو ڳالھ ہݨ سپریم کورٹ تئیں پڄ ڳی اے۔ انہاں دے حلیف ججز بارے ٹیلی فون تے ہدایت ݙیندن، آڈیو لیگ نال سارے نظام دا نقاب لہہ ڳے۔ عدالتاں تے انگلی چاوݨ آلے اپݨا گریبان ݙیکھن۔ پی ٹی آئی دی حکومت معیشت اچ بارودی سرنگاں وچھا تے ڳی، اساں آئی ایم ایف نال انہاں دے معاہدے کوں پورا کریندے پیوں۔
.jpg)
