پاکستان تے ترکیہ دے درمیان انقرہ اچ ݙوطرفہ سیاسی مشاورت دا چھیواں دور جاری اے، ترجمان دفتر خارجہ

اسلام آباد۔5جولائی(اے پی پی) پاکستان اتے ترکیہ دے درمیان ݙوطرفہ سیاسی مشاورت دا چھیواں دور انقرہ اچ جاری اے۔ دفتر خارجہ دی ترجمان دی طرفوں ٻدھ کوں جاری بیان موجب سیکرٹری خارجہ ڈاکٹر اسد مجید خان پاکستان جݙاں جو ترک وفد دی قیادت نائب وزیر خارجہ بورک اکاپر کریندے پئن ۔ فریقین ڳالھ مہاڑ اچ سیاسی، اقتصادی، سیکورٹی، سماجی اتے ثقافتی جہتاں تے ݙو طرفہ تعلقات دے سارے پہلوواں دا جائزہ گھنسن ، ایں دوران اعلیٰ سطحی سٹریٹجک کوآپریشن کونسل اتے سٹریٹجک اکنامک فریم ورک (ایچ ایل ایس سی سی)سودھے مختلف ادارہ جاتی میکانزم دا جائزہ ڳھدا ویسی ، خطے اچ تھیوݨ آلی پیش رفت اتے کثیر جہتی فورمز تے تعاون تے وی ڳالھ مہاڑ تھیسی۔ بیان موجب اے مشاورت اسلام آباد اچ منعقد تھیوݨ تے ایچ ایل ایس سی سی دے اڳلے دور دا مرحلہ طے کریسی ۔ پاکستان اتے ترکیہ دے تعلقات مذہب، ثقافت اتے تاریخ دے مضبوط رشتیں نال جڑے ہوئن ۔

مضمون کا ماخذ : بہت کچھ

متعلقہ مضامین