آذربائیجان نال ݙوپاسہ سیاسی تعلقات کوں تجارت اتے سرمایہ کاری دے ٹھوس رابطے اچ بدلݨ اساݙا ہدف اے، وزیراعظم شہباز شریف دا ٹویٹ

اسلام آباد۔14جون (اے پی پی) وزیراعظم محمد شہباز شریف آکھیا جو ٓذربائیجان نال ݙوپاسہ سیاسی تعلقات کوں تجارت اتے سرمایہ کاری دے ٹھوس رابطے اچ بدلݨ اساݙا ہدف اے۔ ترجیحی تجارت دے معاہدے کوں چھیکڑی ݙیوݨ، توانائی، بینکاری، مالیاتی خدمات اتے آئی ٹی دے شعبیاں اچ تعاون ودھاݨ کیتے آذربائیجان دی قیادت نال ڳالھ کریساں۔ بدھ کوں اپݨے ہک ٹویٹ اچ وزیراعظم آکھیا جو آذربائیجان دے صدر الہام علیوف دی دعوت تے او آذربائیجان دے دورہ تے روانہ تھیندے پن۔ اے دورہ ݙوپاسہ تعاون کوں مضبوط ٻݨاوݨ اتے پائیدار سانجھ دی اساݙی حکومت دی پالیسی دا حصہ اے۔ انہاں آکھیا جو اساݙی توانائی دے تحفظ دی پالیسی اچ وسطی ایشیا مرکزی حیثیت رکھیندے اتے اساں پاکستان کوں توانائی کیتے محفوظ ٻݨاوݨ کیتے وسطی ایشیائی ملکاں نال تعاون ودھاوݨ کیتے پرعزم ہیسے۔

مضمون کا ماخذ : bolão lotofácil

متعلقہ مضامین