دہشت گرد دشمناں دے ہتھ تے ٻانھیں ہن ، وزیراعظم شہباز شریف دی میرانشاہ اچ خود کش دھماکے دی مذمت

اسلام آباد۔15دسمبر(اے پی پی) وزیراعظم شہباز شریف شمالی وزیرستان دے علاقے میرانشاہ اچ خود کش دھماکے دی شدید مذمت کیتی اے ۔ وزیراعظم آفس دے میڈیاونگ توں جاری بیان موجب وزیراعظم حوالدار محمد امیر اتے ھک شہری دی شہادت تے افسوس اتے انہاں دے اہل خانہ نال ہمدردی دااظہار کیتے۔ وزیراعظم آکھیے جو مسلماناں تے خود کش حملے کرݨ آلے مسلمان نی تھی سڳدے ، دہشت گرد دشمناں دے ہتھ تے ٻانھیں ہن جیڑھے جو پاکستان کوں عدم استحکام دا شکار کرݨ چاہندن ۔ پاکستانی عوام دے خون دی ہر بوند دا حساب گھنسوں ، مجرماں کوں عبرت دا نشان بݨیسوں ۔ وزیراعظم آکھیے جو پاکستان دے عوام اتے سکیورٹی فورسز دہشت گردی مکاوݨ کیتے عظیم قربانیاں ݙتن۔ شہدا کوں سلام پیش کریندوں جنہاں وطن عزیز تے آپݨیاں جاناں نچھاور کرݙتن ۔ وزیراعظم شہدا دے اچے درجات اتے خاندان کیتے صبر جمیل دی دعا وی کیتی۔

مضمون کا ماخذ : bolão dupla sena

متعلقہ مضامین