نوازشریف دے بیانیے تے (ن) لیگ دے اندروں مختلف آوازاں اٹھدیاں پئن ،(ش) لیگ سودھے (ن) لیگ دے کئی دھڑے بنڑنڑ ویندے پئن ، وفاقی وزیر اطلاعات و نشریات سینیٹر شبلی فرازدی میڈیا نال گال مہاڑ

اسلام آباد ۔ 27 ستمبر (اے پی پی) وفاقی وزیر اطلاعات و نشریات سینیٹر شبلی فراز آکھیے جو نواز شریف دے بیانے تے ن لیگ دے اندروں مختلف آوازاں چودیاں پئن نواز شریف دا مقصد ملک اچ بے یقینی اضطراب دی کیفیت پیدا کرنڑاے ، مسلم لیگ (ن) ہمیشہ ذاتی مفاد اتے منافقانہ سیاست کیتی اے ، نواز شریف دا انقلابی پن دوغلا اتے کھوکھلا اے، بطور مجرم اتے اشتہاری نوازشریف کوں سیاست تے بھاشن ڈیونڑ زیب نی ڈیندا ، نیب کیسز پاروں گھیرا تنگ تھیونڑ نال اپوزیشن حکومت کوں بلیک میل کرنڑ چاہندی اے ، اسمبلیاں توں استعفیں دیاں تڑیاں وی ایں سلسلے دی کڑی اے ، اپوزیشن ارکان استعفیٰ ڈیسن تاں نویں الیکشن کرویسوں ، پی ٹی آئی ول اکثریت حاصل کرگھنسی ، اپوزیشن مختلف حربے استعمال کرتے حکومت ڈھاونڑ چاہندی اے ناکامی انہاں دا مقدر بنڑسی ۔اتوار کوں میڈیا نال گال مہاڑ کریندے ہوئیں وفاقی وزیر آکھیا جو نوازشریف دے بیانے نال خود انہاں دی جماعت اضطراب دا شکار اے ، نوازشریف دے بیانیے تے (ن) لیگ دے اندروں مختلف آوازاں چودیاں پئن ، (ن) لیگ جیرھی تحریک چلاونڑ چاہندی اے اوبنیاد اے ، نوازشریف دا مقصد ملک اچ بے یقینی اتے اضطراب دی کیفیت پیدا کرنڑ اے۔

مضمون کا ماخذ : آن لائن اسکریچ کارڈز

متعلقہ مضامین