ماسکو۔24فروری (اے پی پی( وزیراعظم عمران خان تے روسی صدر ولادی میر پیوٹن دی ملاقات د اعلامیہ جاری کرݙتا ڳئے ملاقات اچ ݙو پاسہ تعلقات، علاقائی اتے عالمی معاملیاں تے تفصیلی ڳالھ مہاڑ کیتی ڳئی۔ وزیر اعظم عمران خان آکھیے توقع اے جو ݙوہیں ملکاں دے تعلقات اچ مثبت پیشرفت جاری رہسی۔ وزیراعظم عمران خان گیس پائپ لائن پراجیکٹ کوں ملکی معاشی ترقی کیتے فلیگ شپ منصوبہ قرار ݙتے۔ وزیراعظم دا روس دے نال لمبی مدت تے کثیر الجہتی تعلقات کوں ودھاوݨ دا عزم کیتے۔ افغانستان اچ انسانی بحران معاشی اوکھ مکاوݨ کیتے ہنگامی اقدامات کرݨ تے زور ݙتے۔ پاکستان افغانستان اچ پائیدار امن کیتے عالمی برادری نال کم کریندا رہ ویسی۔ افغانستان اچ امن کیتے ، علاقائی توازن برقرار رکھݨ کیتے معاون ثابت تھیسی۔ ایں سلسلے اچ وزیراعظم عمران خان شنگھائی تعاون تنظیم (SCO) سودھے مختلف بین الاقوامی اتے علاقائی فورمز تے پاکستان تے روس وچال جاری تعاون اتے ہم آہنگی تے زور ݙتے ۔ وزیراعظم عمران خان آکھیا جو روس اتے یوکرین دے معاملات سفارتی سطح تے حل کیتے ونڄݨ دی توقع کریندوں۔ جھیڑے چن??ے کائنی، خصوصی طور ترقی پذیر ملک ایں توں شدید متاثر تھیندن۔ ایں موقع تے غیر قانونی مقبوضہ کشمیر اچ انسانی حقوق دی خلاف ورزیاں کوں وی چاتا ڳئے۔ وزیراعظم عمران خان آکھیا جو کشمیر دے مسئلے دا پر امن حل ٻہوں ضروری اے۔ ملاقات اچ ودھدی عالمی شدت پسندی تے اسلاموفوبیا تے وی ڳالھ مہاڑ کیتی ڳئی۔ وزیراعظم عمران خان آکھیا جو پر امن بقا باہمی تے بین الم??اہ?? ہم آہنگی ویلھے دا تقاضا اے۔ روسی صدر دا نبی کریم ﷺ دے نال امہ دی محبت دے جذبے دا احترام لائق تحسین اے۔
