فیصل آباد۔9فروری(اے پی پی)وزیراعظم عمران خان آکھیے جو مع??شرہ قانون دی بالادستی اتے حکمرانی نال اڳو تے ودھدے، کرپٹ حکمراناں اپݨے کیتے اںجھ پاکستان ٻݨا ڳھدے اتے عوام کوں محروم رکھیے، پاکستان بٻݨاوݨ دا اے مڳسد نا ہئی جو ٹاٹا اتے برلا دی ڄاہ تے شریف اتے زرداری آونڄن، 30 سال تئیں ملک لٹݨ، لوکاں کوں دا حق مارݨ اتے ݙیݙھ پاڑ تے پیسہ کݙھݨ دے دعویاں آلے سارے وݙے چور اڄ میݙے خلاف کٹھے تھی ڳین، میں ملک اچ قانون دی بالادستی دی جنگ لڑݨ اتے کرپٹ لوکاں دا مقابلہ کرݨ آیاں، اے تہوں میں کولو ݙردن جو میݙی حکومت مک وںجے بھل اڄ پاکستان اوں رستے تے ویندا پئے جو کوئی طاقتور کہیں ہیݨے دا حق نہ مار سڳے۔ اے ڳالھ انہاں فیصل آباد ڈویژن اچ” نیا پاکستان قومی صحت کارڈز” دے اجراء دی تقریب نال خطاب اچ آکھی۔ تقریب اچ وزیراعلیٰ پنجاب سردار عثمان بزدار، وفاقی وزراء اسد عمر، شفقت محمود، وزیر مملکت برائے اطلاعات و نشریات فرخ حبیب، وزیراعظم دے مع??ون خصوصی شہباز گِل، وزیر صحت پنجاب ڈاکٹر یاسمین راشد اتے ٻئے وی موجود ہن۔ انہاں آکھیا جو صحت کارڈ پاکستان کوں ریاست مدینہ دے اصولاں دے مط??بق ٻݨاوݨ دی ہک کڑی اے، کہیں صوبہ کیتے 400 ارب روپے دی ہیلتھ انشورنس ݙیوݨ سوکھا نا ہئی، 74 سال اچ کتنے صدر اتے وزیراعظم آئن ٻھل کہیں وی غریب لوکاں کوں اے س??کھ ݙیوݨ دا نئیں سوچیا ڄݙاں جو ساݙی حکومت پہلی واری ریاست دے عوام دی صحت دی ذمہ داری ڳھدی اے، لوک ہݨ صحت کارڈ نال اپݨا علاج کرا سڳسن۔ وزیراعظم آکھیا جو اڄ ملک دے سارے وݙے چور میݙے خلاف کٹھے تھی ڳین جو میݙی حکومت ݙھویجے، میݙی سیاست دا مقصد اقتدار تے قابض ݙو ٹٻراں دے خلاف جہاد اے، سندھ دا لیڈر آہدے ہیلتھ انشورنس تے پیسہ نہ لیسوں ٻھل ہسپتال ٻݨیسوں، کوئی پچھے جو ہݨ تئیں کیوں ہسپتال نوے ٻݨائے؟ اے لوکاں دے مسلے سمڄھدے ہی نئیں، زرداری دا کم ہی پیسےنال لوک مل ڳھنݨ اے، انہاں کرپٹ لوکاں دے ہوندے پاکستان دا مقصد پورا نئیں تھی سڳدا، اتھاں جیندے چپڑاسیاں، پاپڑ آلیاں اتے نوکراں دے اکاؤنٹ اچ کروڑاں روپے نکلدن او آزاد ہین، عدالتاں اچ کیس ٻھڳتݨ ویلھے بیمار تھی ویندن اتے پارلیمنٹ اچ ڳج وڄ تے تقریراں کریندن جو کیہوائیں ولا ملک لٹݨ دا موقع مل ونڄے۔ ٻاھرو علاج دے بہانے ونڄݨ آلا ہک مجرم اتھاں اپݨیاں فیکٹریاں ٻھلیندا ودے، اتھاں کڄھ وکیل آہدن جو شودے کوں ہک ٻیا موقع ݙیو، ناہلی مکائو، انہاں کوں صرف عمران خان دا ݙر اے۔ وزیراعظم آکھیے جو ہک اینڄھا نظام ڳھدی آندوں جو کوئی طاقتور ہینݨے دا حق نہ مار سڳے، پنڄویں تئیں ہکو سواں نصان ݙے ݙتے، تعلیمی اصلاحات کریسوں، پنجاب اچ پہلیو اری عوام دی خدمت تھیندی پئی اے اتے عثمان بزدار دا 3 سالہ دور شہبازشریف دے 30 سالہ دور توں وݙا چنڳاں اے، پاکستان ہݨ اوں رستے ٹر پئے جیندا میں خواب ݙیہدا ہم۔
