اسلام آباد ۔ 12 جولائی (اے پی پی) وزیر مملکت برائے اطلاعات و نشریات مریم اورنگزیب آکھیا جو جے آئی ٹی دی رپورٹ خود ایں گالھ تے مہر لا ڈتی اے جو نواز شریف دے پنج دور حکومت اچ ریاست دے اندر ہک پیسے دی کرپشن،خردبرد یا کمیشن کائنی گھدا گئیا،جے آئی ٹی رپورٹ کوڑ اے ایں دے وچ توقع،اندےشے،خدشہ اتے امکان دے الفاظ کڈھ ڈتے گئن تاں اے محض خیالات دا مجموعہ رہ ویندے،کہیں کوںکُوڑا اتے فریبی آکھنڑ دی موکل جے آئی ٹی کوں کئیں ڈتی اے،جے آئی ٹی کئیں قنون دے تحت کہیں کوں کُوڑا آکھےے،شریف فیملی دے وکلاءآندے ہفتے دی سماعت دے موقع تے جے آئی ٹی دی رپورٹ کوں چیلنج کریندیں ہوئیں لاتے گئے الزامات دا جواب ڈیسن،ڈسایا ونجے جو انہاں 13سوالاں دے جواب کتھاں اے جئیں سانگے جے آئی ٹی بنڑائی گئی ہئی ،جے آئی ٹی رپورٹ دے الفاظ خود ای بددیانتی اتے اساڈے تحفظات دی تصدیق کریندے پئن ،محمدنواز شریف ہک نظریہ دا ناں اے ،وزیراعظم محمد نواز شریف دے خلاف سازشاں نہ نویاں ہن اتے نہ اخیری،انہاں دے خلاف تھیونڑ آلی سازشاں دے رنگ بدلدے رہندن،ملک دی عوام نواز شریف دے رلے ہن ،اللہ تعالیٰ دے فضل و کرم اتے عوام دی وجہ نال وزیراعظم محمد نواز شریف تریجھی واری وزیراعظم منتخب تھین،وزیراعظم اتے شریف فیملی ایں کُوڑی جے آئی ٹی کوں چیلنج کرنڑ دا آئینی اتے قنونی حق کوئی نی کھس سگدا،جئیں ویلھے اعلیٰ عدلیہ ایں جے آئی ٹی رپورٹ کوں ڈیکھسی اتے اساڈے پہلے ڈینھ دے تحفظات کوںڈیکھسی تاںسارا کجھ بے نقاب تھی ویسی،وزیراعظم توںاستعفیٰ منگنڑ آلے جے آئی ٹی دی رپورٹ دے مخصوص حصے دی تشریح کریندے پئن ،محمد نواز شریف پارلیمنٹ تے حملہ کرنڑ آلیاں،کپڑے لٹکاونڑ آلیاں یا پارلیمنٹ کوں چور اتے ڈاکو آکھنڑ آلیاں اچوں کائنی،وزیراعظم یکا پارلیمنٹ دا احترام کیتا اتے پارلیمنٹ دی بالادستی دی جدوجہد کیتی۔اے گالھیں انہاں بدھ کوں دانیال عزیز دے رلے پریس کانفرنس نال خطاب کریندیں ہوئیں آکھی۔
