قانون و آئین دی بالادستی اتے جنوبی پنجاب خطے دیاں محرومیاں مکاوݨ سانڳے آپݨا کردار نبھیساں ،یوسف رضا گیلانی
APP02-110524
MULTAN: May 11 - Chairman Senate Syed Yusuf Raza Gilani in a meeting with the members of the High Court and District bars associations Multan at Circuit House. APP/SFD/IQJ/FHA
ملتان۔ 11 مئی (اے پی پی):چیئرمین سینٹ سید یوسف رضا گیلانی آکھیے ملک اچ قانون و آئین دی بالادستی، ریاستی اداریں دے تقدس دی بحالی اتے جنوبی پنجاب خطے دیاں محرومیاں مکاوݨ سانڳے آپݨا چنڳاں کردار نبھیساں ۔ اے ڳالھ انہاں سرکٹ ہاؤس ملتان اچ ہائیکورٹ بار ایسوسی ایشن و ڈسٹرکٹ بار ایسوسی ایشن ملتان دے وکلاء دے وفد ، ٻئے مختلف وفداں اتے سیاسی و سماجی شخصیات نال ملاقاتاں اچ ڳالھ مہاڑ کریندے ہوئیں آکھی اے ۔ملتان ہائیکورٹ بار ایسوسی ایشن دے صدر سجاد حیدر میتلا تے ڈسٹرکٹ بار ایسوسی ایشن ملتان دے صدر عمران خاکوانی دی قیادت اچ وکلاء وفد چئیرمین سینٹ سید یوسف رضا گیلانی نال ملاقات کیتی ۔وکلاء وفد یوسف رضا گیلانی کوں چیئرمین سینٹ منتخب تھیوݨ دی مبارخ ݙیندے ہوئیں انہاں کوں ہائیکورٹ بار اتے ڈسٹرکٹ بار ملتان دا دورہ کرݨ تے بارز دے وکلاء توں خطاب دی دعوت ݙتی۔چیئرمین سینٹ وکلاء دی دعوت قبول کریندے ہوئیں جلدی ہائیکورٹ بار اتے ڈسٹرکٹ بار ملتان دا دورہ کرݨ دا یقین ݙیوائے ۔ہائیکورٹ بار ایسوسی ایشن ملتان اتے ڈسٹرکٹ بار ایسوسی ایشن دے عہدیداران ملاقات سانڳے وقت ݙیوݨ تے چیئرمین سینٹ دا شکریہ ادا کریندے ہوئیں وکلاء کوں پیش آندے مسئلیں دا ݙسایا جیں تے چیئرمین سینٹ وکلاء دے مسئلے حل کرݨ سانڳے ہر ممکن تعاون دا یقین ݙیوائے ۔ سید یوسف رضا گیلانیآکھیے کہیں وی معاشرے اچ انصاف ݙیوݨ ، آئین دی بالادستی اتے قانون دی حکمرانی سانڳے وکلاء دا کردار ٻہوں اہمیت رکھیندے ۔
